Home World statistics World statistics

አስር ኢትዮጵያዊያን ቢሊየነሮች

1ኛ.. ሼህ መሀመድ አልአሙዲ፦

ሼህ አልአሙዲ በኢትዮጵያ ብቻም ሳይሆን በአፍሪካም ጭምር ከቀዳሚዎቹ ቢሊየነሮች መካከል አንዱ ነው። ሼህ አልአሙዲ ከሚድሮክ በተጨማሪ በሳኡዲ አረቢያ ነዳጅ በማውጣትና ለተለያዩ ሀገራት በማከፋፈል ይታወቃል። በተለያዩ የማእድንና የኢንቨስትመንት ስራዎችም ላይ ተሳትፎ አለው። የሼህ አልአሙዲ አጠቃላይ ሀብት 10 ቢሊየን ዶላር ነው

2ኛ.. እዮብ ማሞ ፦

እዮብ ማሞ የሚኖረው በአሜሪካን ሀገር በዋሺንግተን ዲሲ ሲሆን ከሼህ አልአሙዲ ቀጥሎ ሁለተኛ ኢትዮጵያዊ ቢሊየነር እሱ ነው። እዮብ ቀዳሚ የሀብት ምንጩ የሪልስቴት እና የነዳጅ ቢዝነስ ነው። እዮብ በጣም ጠንካራ ሰራተኛ ነው። ከነዳጅ ማደያ ሰራተኝነት ወደ ካፒታል ፔትሮሊየም ካምፓኒ ባለቤትነት የተቀየረ ሰው ነው። የእዮብ አጠቃላይ ሀብት 7 ቢሊየን ዶላር አካባቢ ይገመታል

3ኛ.. ሳሙኤል ታፈሰ ፦

ሳሙኤል ታፈሰ ዛሬ የደረሰበት ደረጃ ላይ ለመድረስ ብዙ ሂደቶችንና ውጣ ውረዶችን ያለፈ እጅግ ጠንካራ ሰራተኛ ነው። ሳሙኤል በኮንስትራክሽንና በሪልስቴት ዘርፍ የተሰማራ ባለሀብት ሲሆን አጠቃላይ ሀብቱም 4.3 ቢሊየን ዶላር አካባቢ ነው

4ኛ… በላይነህ ክንዴ፦

በላይነህ ክንዴ ከአባይ ወንዝ መነሻ ከሆነችው ሰከላ ወረዳ ነው የተወለደው ።ኢትዮጵያ ውስጥ ከሚገኙ አስመጪ እና ላኪ ባለሀብቶች መካከል አንዱ ነው። በሰፊው የተሰማራበት የስራ መስክ ቡና እና የቅባት እህሎችን ኤክስፖርት በማድረግ ላይ ነው። በላይነህ ክንዴ ለብዙ ሰዎች የስራ እድል ፈጥሯል። ጥሩ አስተዳዳሪም እንደሆነ ይነገርለታል። የበላይነህ አጠቃላይ ሀብት 4 ቢሊየን ዶላር ነው

5ኛ.. ወርቁ አይተነው ፦

ወርቁ አይተነው ትውልድና እድገቱ በምስራቅ ጎጃም ሲሆን ሀገራችን ውስጥ ካሉ ቢሊየነሮች መካከል አንዱ ነው። ወርቁ አይተነው W Investment የሚባል ትልቅ ካምፓኒ ያለው ሲሆን ከዛ በተጨማሪ ደግሞ በቡና እና የቅባት እህሎች ላኪነትም ይታወቃል። ወርቁ አይተነው ዛሬ ላይ የደረሰበት ደረጃ ላይ ለመድረስ ብዙ ውጣ ውረዶችን አይቷል። በጣም ጠንካራና ጀግና ሰው ነው። የወርቁ አጠቃላይ ሀብት 3 ቢሊየን ዶላር ነው

6ኛ.. ቴዎድሮስ አሸናፊ ፦

ቴዎድሮስ አሸናፊ የመጀመርያው የሀገር ውስጥ ዘይትና ነዳጅ ድርጅት ባለቤትና ስራአስኪያጅ ነው። በአምቦ ከተማ የሚገኘው የአምቦውሀ ድርጅት ባለቤትም ነው። የቴዎድሮስ አጠቃላይ ሀብት 2.7 ቢሊየን ዶላር አካባቢ ይገመታል

7ኛ.. ኡመር አሊ ፦

ኡመር አሊ ሌላኛው የሀገራችን ቢሊየነር ነው። ኡመር ወደ ንግዱ የገባው በደርግ ዘመን ሲሆን በ 5,000 ብር ካፒታል ነበር ንግዱን የጀመረው። ኡመር በስፋት የተሰማራበት መስክ የፕላስቲክ ማምረቻ ፋብሪካ ዘርፍ እና አስመጪና ላኪነት ነው። ከዛ በተጨማሪ የቡና ላኪም ነው። የኡመር አጠቃላይ ሀብት 2 ቢሊየን ዶላር አካባቢ ይገመታል

8ኛ.. ሱሁራ እስማኤል፦

ሱሁራ እስማኤል ኢትዮጵያ ውስጥ በአመት ለመንግስት በሚሊየኖች ግብር ከሚከፍሉ ህጋዊ የጫት ላኪዎች መካከል አንዷ ናት። ከጅጅጋ ከተማ የጫት ንግድ ተነስታ ለውጪ ገበያ ለማቅረብ የቻለችው ይህቺ ሴት ኢትዮጵያ ውስጥ ከሚገኙ ቢሊየነሮች መካከል አንዷ ናት። ሱሁራ በቀን ከ 50 ሺ እስከ 60 ሺ ኪሎግራም የሚሆን ጫት ለውጭ ገበያ ታቀርባለች። የሱሁራ አጠቃላይ ሀብት 1.5 ቢሊየን ዶላር አካባቢ ነው

9ኛ… አኪኮ ስዩም ፦

አኪኮ የታዋቂው የኮንስትራክሽን ካምፓኒ ባለቤት የስዩም አምባዬ ልጅ ናት። አኪኮ ኦርካይድ ቢዝነስ ግሩፕ የሚባል ትልቅ ድርጅት አላት። ኦርካይድ በሀገራችንን ትልልቅ ፕሮጀክቶች ላይ የተሳተፈ ግዙፍ ድርጅት ነው። የአኪኮ አጠቃላይ ሀብት 1 ቢሊየን ዶላር ነው

10ኛ… ትልቅሰው ገዳሙ ፦

ትልቅሰው ኢትዮጵያ ውስጥ ካሉ ቢሊየነሮች መካከል አንዷ ናት። ለበርካታ ዜጎችም የስራ እድል መፍጠር የቻለች ሰው ናት። ትልቅሰው በስፋት የተሰማራችው በሆቴል ኢንቨስትመንት ላይ ሲሆን ኢትዮጵያ ውስጥ ያሉ የራዲሰን ሆቴሎች ባለቤት ናት። የትልቅሰው አጠቃላይ ሀብት 1 ቢሊየን ዶላር ነው።

✍️Froal

Leave a Reply

Your email address will not be published. Required fields are marked *